ಇಲ್ಲ, ರಾಹುಲ್ ಗಾಂಧಿ ಅವರು ಮಹಾತ್ಮ ಗಾಂಧಿಯವರ ಉಲ್ಲೇಖವನ್ನು ಯೇಸು ಕ್ರಿಸ್ತನ ಉಲ್ಲೇಖವೆಂದು ತಪ್ಪಾಗಿ ಹೇಳಿಲ್ಲ

ಹೇಳಿಕೆ ಏನು?

ಭಾರತದ ಲೋಕಸಭೆಯ (ಸಂಸತ್ತಿನ ಕೆಳಮನೆ) ಪ್ರಸ್ತುತ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿಯವರ ವೀಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ. ಸಂಸತ್ತಿನಲ್ಲಿ ಭಾಷಣ ಮಾಡುವಾಗ ಗಾಂಧಿಯವರು ಮಹಾತ್ಮ ಗಾಂಧಿಯವರ ಉಲ್ಲೇಖವನ್ನು ಯೇಸು ಕ್ರಿಸ್ತ ನದ್ದು ಎಂದು ತಪ್ಪಾಗಿ ಹೇಳಿದ್ದಾರೆ ಎಂದು ಬಳಕೆದಾರರು ಹೇಳಿಕೊಂಡಿದ್ದಾರೆ. 

ವೀಡಿಯೋದಲ್ಲಿ, ಗಾಂಧಿಯವರು ಯೇಸು ಕ್ರಿಸ್ತನ ಚಿತ್ರವನ್ನು ಹಿಡಿದುಕೊಂಡು ಹಿಂದಿಯಲ್ಲಿ ಹೀಗೆ ಹೇಳುತ್ತಾರೆ: "ಯೇಸು ಕ್ರಿಸ್ತನ ಈ ಚಿತ್ರವನ್ನು ನೋಡಿ. ನೀವು ಅವನನ್ನು ಅಭಯ ಮುದ್ರೆಯಲ್ಲಿ ನೋಡಬಹುದು (ಅಂಗೈಯನ್ನು ನೇರವಾಗಿ ಮತ್ತು ಹೊರಕ್ಕೆ ಎದುರಿಸುತ್ತಿರುವ ಕೈ ಸನ್ನೆ, ಇದನ್ನು ಹಿಂದೂ ಧರ್ಮದಲ್ಲಿ ಕರೆಯಲಾಗುತ್ತದೆ ಧೈರ್ಯ ಮತ್ತು ಸುರಕ್ಷತೆಯ ಸೂಚಕ) ಇಲ್ಲಿಯೂ ಸಹ. ಭಯಪಡಬೇಡಿ ಮತ್ತು ಇತರರನ್ನು ಹೆದರಿಸಬೇಡಿ. ಯಾರಾದರೂ ನಿಮಗೆ ಕಪಾಳಮೋಕ್ಷ ಮಾಡಿದರೆ, ನಿಮ್ಮ ಇನ್ನೊಂದು ಕೆನ್ನೆಯನ್ನು ತಿರುಗಿಸಿ ಎಂದು ಯೇಸು ಕ್ರಿಸ್ತನು ಸಹ ಹೇಳಿದ್ದಾನೆ." ಈ ಭಾಷಣವು ಜಂಟಿ ಸಂಸತ್ತಿನ ಅಧಿವೇಶನದಲ್ಲಿ ರಾಷ್ತ್ರಪತಿ ಅವರ ಭಾಷಣಕ್ಕೆ ವಂದನಾ ನಿರ್ಣಯದ ಚರ್ಚೆಯ ಭಾಗವಾಗಿತ್ತು.

ತಪ್ಪು ಮಾಹಿತಿಯನ್ನು ಹರಡಲು ಹೆಸರುವಾಸಿಯಾದ 'Mr. Sinha' ಹೆಸರಿನ ಖಾತೆಯು ಎಕ್ಸ್ (ಹಿಂದೆ ಟ್ವಿಟರ್) ನಲ್ಲಿ ವೀಡಿಯೋವನ್ನು (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಈ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದೆ: "ರಾಹುಲ್ ಗಾಂಧಿ: ಯಾರಾದರೂ ನಿಮ್ಮ ಬಲ ಕೆನ್ನೆಗೆ ಬಾರಿಸಿದರೆ, ಅವರ ಕಡೆಗೆ ಇನ್ನೊಂದು ಕೆನ್ನೆಯೂ ಸಹ ತಿರುಗಿಸಿ ಎಂದು ಯೇಸು ಕ್ರಿಸ್ತನು ಹೇಳಿದ್ದಾನೆ. ಯೇಸು ಕ್ರಿಸ್ತ ಮತ್ತು ಎಂ.ಕೆ. ಗಾಂಧಿ ಒಂದೇ ಎಂದು ಅವರು ಭಾವಿಸುತ್ತಾರೆಯೇ? ಪೋಷ್ಟ್ ೪೭೬,೦೦೦ ವೀಕ್ಷಣೆಗಳನ್ನು ಮತ್ತು ೨,೦೦೦ ಮರುಪೋಷ್ಟ್‌ಗಳನ್ನು ಹೊಂದಿದೆ. ಇದೇ ರೀತಿಯ ಪೋಷ್ಟ್‌ಗಳ ಆರ್ಕೈವ್ ಮಾಡಿದ ಆವೃತ್ತಿಗಳನ್ನು ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.

ಮಹಾತ್ಮ ಗಾಂಧಿಯವರ ಉಲ್ಲೇಖವನ್ನು ಯೇಸು ಕ್ರಿಸ್ತ ಅವರ ಉಲ್ಲೇಖವೆಂದು ರಾಹುಲ್ ಗಾಂಧಿ ತಪ್ಪಾಗಿ ಹೇಳಿದ್ದಾರೆ ಎಂದು ಹೇಳುವ ಪೋಷ್ಟ್‌ಗಳ ಸ್ಕ್ರೀನ್‌ಶಾಟ್‌ಗಳು. (ಮೂಲ: ಎಕ್ಸ್/ಲಾಜಿಕಲಿ ಫ್ಯಾಕ್ಟ್ಸ್‌ನಿಂದ ಮಾರ್ಪಡಿಸಲಾಗಿದೆ)

ಆದರೆ, ಗಾಂಧಿಯವರು ಈ ಉಲ್ಲೇಖವನ್ನು ತಪ್ಪಾಗಿ ಹೇಳಿಲ್ಲ ಎಂದು ನಮ್ಮ ತನಿಖೆಯಿಂದ ತಿಳಿದುಬಂದಿದೆ. ಈ ಹೇಳಿಕೆಯು ಬೈಬಲ್‌ನಲ್ಲಿ ಕಂಡುಬರುತ್ತದೆ ಮತ್ತು ಮಹಾತ್ಮಾ ಗಾಂಧಿಯವರು ಕೂಡ ಇದು ಬೈಬಲ್‌ನಿಂದ ಹುಟ್ಟಿಕೊಂಡಿದೆ ಎಂದು ಉಲ್ಲೇಖಿಸಿದ್ದಾರೆ.

ನಾವು ಕಂಡುಕೊಂಡದ್ದು

ಸಂಸದ್ ಟಿವಿಯ ಯೂಟ್ಯೂಬ್ ಚಾನೆಲ್‌ನಲ್ಲಿ ಗಾಂಧಿಯವರ ಸಂಸತ್ತಿನ ಭಾಷಣದ ಪೂರ್ಣ ವೀಡಿಯೋವನ್ನು ನಾವು ಪತ್ತೆ ಮಾಡಿದ್ದೇವೆ (ಇಲ್ಲಿ ಆರ್ಕೈವ್ ಮಾಡಲಾಗಿದೆ). ಸಂಬಂಧಿತ ಭಾಗವನ್ನು ೧೭:೧೦ ರಿಂದ ೧೭:೨೯ ರವರೆಗೆ ವೀಕ್ಷಿಸಬಹುದು. 

ಗಾಂಧೀಜಿ ಉಲ್ಲೇಖಿಸಿದ ಉಲ್ಲೇಖವು ಬೈಬಲ್‌ನಿಂದ, ನಿರ್ದಿಷ್ಟವಾಗಿ ಮ್ಯಾಥ್ಯೂನ ಸುವಾರ್ತೆ, ಅಧ್ಯಾಯ ೫ ರಲ್ಲಿ ಕಾಣಬಹುದು. ಇದು ಯೇಸು ಕ್ರಿಸ್ತ ಅವರ ಪರ್ವತದ ಧರ್ಮೋಪದೇಶದ ಸಮಯದಲ್ಲಿ ಅವರ ಅನುಯಾಯಿಗಳಿಗೆ ನೀಡಿದ ಪ್ರಸಿದ್ಧ ಭಾಷಣಕ್ಕೆ ಕಾರಣವಾಗಿದೆ. ಮ್ಯಾಥ್ಯೂ ೫:೩೮-೪೮, ಉಪಶೀರ್ಷಿಕೆಯಡಿಯಲ್ಲಿ, ಸೇಡು ತೀರಿಸಿಕೊಳ್ಳುವ ಬಗ್ಗೆ ಹೇಳುತ್ತದೆ: "ಕಣ್ಣಿಗೆ ಕಣ್ಣು ಮತ್ತು ಹಲ್ಲಿಗೆ ಹಲ್ಲು ಎಂದು ಹೇಳಿರುವುದನ್ನು ನೀವು ಕೇಳಿದ್ದೀರಿ. ಆದರೆ ನಾನು ನಿಮಗೆ ಹೇಳುತ್ತೇನೆ, ಕೆಟ್ಟದ್ದನ್ನು ಕೆಟ್ಟದರಿಂದ ವಿರೋಧಿಸಬೇಡಿ ; ಯಾರಾದರೂ ನಿಮ್ಮ ಬಲ ಕೆನ್ನೆಗೆ ಹೊಡೆದರೆ, ತಿರುಗಿ ಅವನಿಗೆ ಇನ್ನೊಂದನ್ನು ನೀಡಿ."

ಉಲ್ಲೇಖವು ಮ್ಯಾಥ್ಯೂ ೫:೩೮-೪೮ ರಲ್ಲಿ ಕಂಡುಬರುತ್ತದೆ. (ಮೂಲ: ಬೈಬಲ್)

ಇದಲ್ಲದೆ, ಮಹಾತ್ಮಾ ಗಾಂಧಿ ಅವರೇ ಈ ಉಲ್ಲೇಖ ಬೈಬಲ್ ಇಂದ ಬಂದಿದೆ ಎಂದು ಹೇಳಿದ್ದಾರೆ. ಅವರ ಆತ್ಮಚರಿತ್ರೆಯ ಭಾಗ ೧ ನ ೨೦ ನೇ ಅಧ್ಯಾಯದಲ್ಲಿ, 'ದಿ ಸ್ಟೋರಿ ಆಫ್ ಮೈ ಎಕ್ಸ್‌ಪೆರಿಮೆಂಟ್ಸ್ ವಿತ್ ಟ್ರೂತ್', ಗಾಂಧಿ ಹೀಗೆ ಬರೆದಿದ್ದಾರೆ: "ಆದರೆ ಹೊಸ ಒಡಂಬಡಿಕೆಯು ವಿಭಿನ್ನವಾದ ಪ್ರಭಾವವನ್ನು ಉಂಟುಮಾಡಿತು, ವಿಶೇಷವಾಗಿ ಪರ್ವತದ ಮೇಲಿನ ಧರ್ಮೋಪದೇಶವು ನನ್ನ ಹೃದಯಕ್ಕೆ ನೇರವಾಗಿ ಹೋಯಿತು. ನಾನು ಅದನ್ನು ಗೀತೆಯೊಂದಿಗೆ ಹೋಲಿಸಿದೆ. ಶ್ಲೋಕಗಳು, 'ಆದರೆ ನಾನು ನಿಮಗೆ ಹೇಳುತ್ತೇನೆ, ನೀವು ಕೆಟ್ಟದ್ದನ್ನು ವಿರೋಧಿಸಬೇಡಿ: ಆದರೆ ನಿಮ್ಮ ಬಲ ಕೆನ್ನೆಯ ಮೇಲೆ ಯಾರಾದರೂ ನಿಮ್ಮನ್ನು ಹೊಡೆದರೆ, ಅವರಿಗೆ ಇನ್ನೊಂದು ಕೆನ್ನೆಯನ್ನು ತಿರುಗಿಸಿ. ಮತ್ತು ಯಾರಾದರೂ ನಿನ್ನ ಮೇಲಂಗಿಯನ್ನು ತೆಗೆದರೆ ಅವರು ನಿನ್ನ ಮೇಲಂಗಿಯನ್ನು ಸಹ ಹೊಂದಲಿ.' ನನಗೆ ಮಿತಿ ಮೀರಿದ ಸಂತೋಷವನ್ನು ನೀಡಿತು ಮತ್ತು ಶಾಮಲ್ ಭಟ್ ಅವರ 'ಒಂದು ಬಟ್ಟಲು ನೀರಿಗಾಗಿ, ಒಳ್ಳೆಯ ಊಟವನ್ನು ಕೊಡು' ಇತ್ಯಾದಿಗಳನ್ನು ನನ್ನ ಮನಸ್ಸಿನಲ್ಲಿಟ್ಟುಕೊಂಡಿತು. ನನ್ನ ಎಳೆಯ ಮನಸ್ಸು ಗೀತೆಯ ಬೋಧನೆ, ಏಷ್ಯಾದ ಬೆಳಕು ಮತ್ತು ಪರ್ವತದ ಮೇಲಿನ ಧರ್ಮೋಪದೇಶವನ್ನು ಏಕೀಕರಿಸಲು ಪ್ರಯತ್ನಿಸಿತು. ಆ ಪರಿತ್ಯಾಗವು ಧರ್ಮದ ಅತ್ಯುನ್ನತ ರೂಪವಾಗಿದ್ದು ನನ್ನನ್ನು ಬಹಳವಾಗಿ ಆಕರ್ಷಿಸಿತು."

ಮಹಾತ್ಮ ಗಾಂಧಿಯವರು ಪ್ರಶ್ನೆಯಲ್ಲಿರುವ ಉಲ್ಲೇಖದ ಮೂಲವನ್ನು ಹೇಳಿದ್ದಾರೆ. (ಮೂಲ: MKGandhi.org)

ಈ ಪುರಾವೆಯು ಗಾಂಧೀಜಿ ಈ ಉಲ್ಲೇಖವು ಯೇಸು ಕ್ರಿಸ್ತನಿಗೆ ನಿಖರವಾಗಿ ಸಲ್ಲುತ್ತದೆ ಎಂದು ತೋರಿಸುತ್ತದೆ.

ಜುಲೈ ೧, ೨೦೨೪ ರಂದು, ಲೋಕಸಭೆಯಲ್ಲಿ ವಿರೋಧ ಪಕ್ಷದ ನಾಯಕರಾಗಿ ತಮ್ಮ ಮೊದಲ ಭಾಷಣದಲ್ಲಿ, ಗಾಂಧೀಜಿಯವರು ಆಡಳಿತ ಸರ್ಕಾರವನ್ನು ಟೀಕಿಸುವಾಗ ಭಗವಾನ್ ಶಿವ, ಗುರುನಾನಕ್ ಮತ್ತು ಯೇಸುಕ್ರಿಸ್ತರ ಚಿತ್ರಗಳನ್ನು ಪ್ರದರ್ಶಿಸಿದರು. ಹಿಂದೂ ಧರ್ಮ, ಇಸ್ಲಾಂ, ಸಿಖ್ ಧರ್ಮ, ಕ್ರಿಶ್ಚಿಯನ್ ಧರ್ಮ, ಬೌದ್ಧ ಧರ್ಮ ಮತ್ತು ಜೈನ ಧರ್ಮಗಳನ್ನು ಉಲ್ಲೇಖಿಸಿ, ಗಾಂಧಿ "ನಿರ್ಭಯತೆಯ ಮಹತ್ವ" ವನ್ನು ಒತ್ತಿ ಹೇಳಿದರು, "ಎಲ್ಲಾ ಧರ್ಮಗಳು ಮತ್ತು ದೇಶದ ಮಹಾನ್ ವ್ಯಕ್ತಿಗಳು 'ಡರೋ  ಮತ್, ಡರಾವೋ ಮತ್ (ಹೆದರ ಬೇಡಿ, ಇತರರನ್ನು ಹೆದರಿಸಿ ಬೇಡಿ)."

ಸದನದ ಸ್ಪೀಕರ್ ಓಂ ಬಿರ್ಲಾ ಅವರ ಆಕ್ಷೇಪಣೆಗಳು ಮತ್ತು ಭಾರತೀಯ ಜನತಾ ಪಕ್ಷದ ನೇತೃತ್ವದ ಕೇಂದ್ರ ಸರ್ಕಾರದ ಮಂತ್ರಿಗಳ ಪ್ರತಿಭಟನೆಗಳ ನಂತರ, ಈ ಉಲ್ಲೇಖ ಸೇರಿದಂತೆ ವಿರೋಧ ಪಕ್ಷದ ನಾಯಕರ ಭಾಷಣದ ಭಾಗಗಳನ್ನು ಲೋಕಸಭೆಯ ದಾಖಲೆಗಳಿಂದ ತೆಗೆದುಹಾಕಲಾಯಿತು.

ತೀರ್ಪು

ರಾಹುಲ್ ಗಾಂಧಿಯವರು ಮಹಾತ್ಮ ಗಾಂಧಿಯವರ ಉಲ್ಲೇಖವನ್ನು ಬೈಬಲ್‌ಗೆ ತಪ್ಪಾಗಿ ಉಲ್ಲೇಖಿಸಿದ್ದಾರೆ ಎಂಬ ಹೇಳಿಕೆಯು ತಪ್ಪು ಎಂದು ನಮ್ಮ ಸಂಶೋಧನೆ ತೋರಿಸುತ್ತದೆ. ಈ ಉಲ್ಲೇಖವು ಬೈಬಲ್‌ನಿಂದ ಹುಟ್ಟಿಕೊಂಡಿದೆ ಮತ್ತು ಮಹಾತ್ಮಾ ಗಾಂಧಿಯವರು ತಮ್ಮ ಆತ್ಮಚರಿತ್ರೆಯಲ್ಲಿ ಇದನ್ನು ಮನ್ನಣೆ ಮಾಡಿದ್ದಾರೆ.

(ಅನುವಾದಿಸಿದವರು: ರಜಿನಿ ಕೆ.ಜಿ)