বিজেপিয়ে '১০০০ ভোটতকৈ কম ব্যৱধানত' ১০০+ লোকসভা আসন জিকা নাই

দাবী কি?

লোকসভা নিৰ্বাচনৰ ফলাফল ঘোষণাৰ পিছত ছ’চিয়েল মিডিয়া ব্যৱহাৰকাৰীসকলে দাবী কৰে যে ভাৰতীয় জনতা পাৰ্টিয়ে “৫০০ ভোটতকৈ কম ভোটৰ ব্যৱধানত ৩০খন আসন লাভ কৰিছে” আৰু “১০০০ ভোটতকৈ কম ভোটৰ ব্যৱধানত ১০০খনতকৈ অধিক আসন লাভ কৰিছে”। এনে ধৰণৰ পোষ্ট ফেচবুকত অসমীয়াটো দেখা গৈছে । আৰ্কাইভ লিংক ইয়াত পাব । এই দাবীৰ সৈতে (ইয়াত আৰু ইয়াত আৰ্কাইভ কৰা হৈছে) ইলেক্ট্ৰনিক ভোটিং মেচিন (ইভিএম)ৰ খেলিমেলি বা ৰিগিঙৰ অভিযোগো আছিল, আৰু তদন্তৰ আহ্বান জনাইছিল।

ছচিয়েল মিডিয়াত ভাইৰেল পোষ্টৰ স্ক্ৰীণশ্বট। (উৎস: এক্স/ৱাটছএপ/স্ক্ৰীণশ্বট/লজিকেলী ফেক্টছৰ দ্বাৰা পৰিৱৰ্তিত)

ভাৰতীয় নিৰ্বাচন আয়োগৰ তথ্য অনুসৰি ২০২৪ চনৰ ৪ জুনত ঘোষণা কৰা লোকসভা নিৰ্বাচনত ৫৪৩ খন আসনৰ ভিতৰত বিজেপিয়ে ২৪০ খন আসন লাভ কৰিছিল। কিন্তু ইচিআইৰ তথ্য অনুসৰি উক্ত দাবী মিছা।

আমি কি বিচাৰি পাইছিলোঁ?

আমি ইচিআইৰ ৱেবছাইটত চৰকাৰী তথ্য বিশ্লেষণ কৰি দেখিলোঁ যে ২০২৪ চনৰ ভাৰতীয় সাধাৰণ নিৰ্বাচনত বিজেপিৰ কোনো প্ৰাৰ্থীয়ে দাবী কৰা ধৰণে “৫০০ ভোটতকৈ কম” বা “১০০০ ভোটতকৈ কম” ব্যৱধানত জয়ী হোৱা নাছিল।

বিজেপিৰ বিজয়ৰ আটাইতকৈ কম ব্যৱধান আছিল ওড়িশাৰ জাজপুৰত, য’ত বিজেপিৰ ৰবীন্দ্ৰ নাৰায়ণ বেহেৰাই ১৫৮৭ ভোটৰ ব্যৱধানত লোকসভাৰ আসন দখল কৰে। ৫৩২,৬৫২টা ভোট লাভ কৰা বিজু জনতা দলৰ (বিজেডি)ৰ পৰা বিজেডিৰ পৰা সৰ্মিষ্ঠা ছেঠীক পৰাস্ত কৰি বেহেৰাই ৫৩৪,২৩৯টা ভোট লাভ কৰে।

বিজেপিৰ প্ৰাৰ্থীৰ দ্বিতীয় নিকটতম জয় ৰাজস্থানৰ জয়পুৰ ৰুৰেলত ১৬১৫ ভোটৰ ব্যৱধানত বিজেপিৰ ৰাও ৰাজেন্দ্ৰ সিঙে জয়লাভ কৰে। ৬১৬,২৬২টা ভোট লাভ কৰা ভাৰতীয় জাতীয় কংগ্ৰেছৰ প্ৰাৰ্থী অশোক চোপ্ৰাক অতিক্ৰম কৰি সিঙে ৬১৭,৮৭৭টা ভোট লাভ কৰে।

ছত্তীশগড়ৰ কাংকেৰ সমষ্টিত বিজেপিৰ ভোজৰাজ নাগে ১৮৮৪টা ভোটৰ ব্যৱধানত জয়লাভ কৰে। ৫৯৭,৬২৪টা ভোটেৰে ৫৯৫,৭৪০টা ভোট লাভ কৰা কংগ্ৰেছৰ বীৰেশ ঠাকুৰক পৰাস্ত কৰে।

এই দৃষ্টান্তসমূহৰ বাহিৰেও বিজেপিৰ আন সকলো প্ৰাৰ্থীয়ে ২০০০ ভোটতকৈ অধিক ভোটৰ ব্যৱধানত জয়লাভ কৰে।

৫ হাজাৰতকৈও কম ভোটৰ ব্যৱধানত আসন দখল কৰা বিজেপিৰ প্ৰাৰ্থী (উৎস: results.eci.gov.in/Screenshot)

তদুপৰি ২০২৪ চনৰ লোকসভা নিৰ্বাচনত আটাইতকৈ কম বিজয়ৰ ব্যৱধান মুম্বাই উত্তৰ-পশ্চিম সমষ্টিত দেখা হৈছিল, য’ত বিজেপি বিজয়ী হোৱা নাছিল। শিৱসেনাৰ প্ৰাৰ্থী ৰবীন্দ্ৰ দত্তৰাম ৱাইকাৰে ৪৫২,৬৪৪টা ভোট লাভ কৰি শিৱসেনাৰ আমোল গজানন কীৰ্তিকাৰক (উদ্ধৱ বালাছাহেব থাকৰে)ক মাত্ৰ ৪৮টা ভোটত পৰাস্ত কৰে।

সিদ্ধান্ত

ভাৰতীয় নিৰ্বাচন আয়োগৰ তথ্য অনুসৰি বিজেপিৰ এজন প্ৰাৰ্থীয়ে সৰ্বনিম্ন ১, ৫৮৭তা ভোটৰ ব্যৱধানত জয়লাভ কৰিছিল, যাৰ ফলত ১০০০ বা ৫০০ৰ কমৰ ব্যৱধানত বিজয়ৰ দাবী অসত্য বুলি প্ৰমাণিত হৈছে।অফিচিয়েল তথ্যই অনলাইন যোগে কৰা দাবী মিছা বুলি প্ৰতিপন্ন কৰিছে ।