ಬಾಂಗ್ಲಾದೇಶದಲ್ಲಿ 'ಹಿಜಾಬ್ ಧರಿಸಿಲ್ಲ' ಎಂಬ ಕಾರಣಕ್ಕೆ ಅಮೆರಿಕದ ಮಹಿಳೆಯನ್ನು ಹಿಂಸಿಸುತ್ತಿರುವುದನ್ನು ವೀಡಿಯೋ ತೋರಿಸಲ್ಲ

ಹೇಳಿಕೆ ಏನು?

ಹಿಜಾಬ್ ಅಥವಾ ಬುರ್ಖಾ ಧರಿಸದಿದ್ದಕ್ಕಾಗಿ ಬಾಂಗ್ಲಾದೇಶದಲ್ಲಿ ಅಮೆರಿಕದ ಮಹಿಳೆಯೊಬ್ಬರನ್ನು ಗುರಿಯಾಗಿಸಿಕೊಂಡು ಸೈಕಲ್-ರಿಕ್ಷಾದಲ್ಲಿ ಕುಳಿತಿದ್ದ ಮಹಿಳೆಯೊಬ್ಬರಿಗೆ ಕಿರುಕುಳ ನೀಡುತ್ತಿರುವುದನ್ನು ತೋರಿಸುವ ೨೦ ಸೆಕೆಂಡುಗಳ ವೀಡಿಯೋವನ್ನು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹಂಚಿಕೊಂಡಿದ್ದಾರೆ. 

ವೈರಲ್ ವೀಡಿಯೋದಲ್ಲಿ, ಮಹಿಳೆ ಒಂದು ಕೈಯಲ್ಲಿ ಕೇಕ್ ಅನ್ನು ಹಿಡಿದು, ತನ್ನ ಫೋನ್‌ನಲ್ಲಿ ಯಾರಿಗಾದರೂ ಕರೆ ಮಾಡಲು ಪ್ರಯತ್ನಿಸುತ್ತಿರುವಾಗ ಹುಡುಗರು ಕಿರುಕುಳ ನೀಡುತ್ತಾರೆ. ಅವಳು ರಿಕ್ಷಾದಿಂದ ನಿರ್ಗಮಿಸಿ ಹೊರನಡೆದ ನಂತರ ವೀಡಿಯೋ ಥಟ್ಟನೆ ಕೊನೆಗೊಳ್ಳುತ್ತದೆ. ವೀಡಿಯೋವನ್ನು ಒಳಗೊಂಡಿರುವ ಪೋಷ್ಟ್ ಗಳ ಆರ್ಕೈವ್ ಮಾಡಿದ ಆವೃತ್ತಿಗಳನ್ನು ಇಲ್ಲಿ, ಇಲ್ಲಿ, ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.

ಬಾಂಗ್ಲಾದೇಶದಲ್ಲಿ ಬುರ್ಖಾ ಧರಿಸದಿದ್ದಕ್ಕಾಗಿ ಅಮೆರಿಕದ ಮಹಿಳೆಯೊಬ್ಬರಿಗೆ ಕಿರುಕುಳ ನೀಡಲಾಯಿತು ಎಂದು ಹೇಳುವ ಎಕ್ಸ್ ಪೋಷ್ಟ್‌ಗಳ ಸ್ಕ್ರೀನ್‌ಶಾಟ್‌ಗಳು. (ಮೂಲ: ಎಕ್ಸ್/ಲಾಜಿಕಲಿ ಫ್ಯಾಕ್ಟ್ಸ್‌ನಿಂದ ಮಾರ್ಪಡಿಸಲಾಗಿದೆ)

ಆದರೆ, ವೀಡಿಯೋದಲ್ಲಿರುವ ಮಹಿಳೆ ಬಾಂಗ್ಲಾದೇಶಿ ನಟ ಮಿಶ್ತಿ ಸುಬಾಸ್ ಎಂದು ನಾವು ಕಂಡುಕೊಂಡಿದ್ದೇವೆ. ಢಾಕಾದಲ್ಲಿ ಮಾಜಿ ಪ್ರಧಾನಿ ಶೇಖ್ ಹಸೀನಾ ಅವರ ಹುಟ್ಟುಹಬ್ಬವನ್ನು ಸಾರ್ವಜನಿಕವಾಗಿ ಕೇಕ್ ಕತ್ತರಿಸಿ ಆಚರಿಸಿದ ನಂತರ ಆಕೆಗೆ ಕಿರುಕುಳ ನೀಡಲಾಯಿತು.

ನಾವು ಕಂಡುಕೊಂಡದ್ದು

ವೈರಲ್ ವೀಡಿಯೋದ ಕೀಫ್ರೇಮ್ ಗಳ ಮೇಲೆ ರಿವರ್ಸ್ ಇಮೇಜ್ ಸರ್ಚ್ ನಡೆಸಿದಾಗ ನಮ್ಮನ್ನು ಲೋಕಮಾತ್ ಟೈಮ್ಸ್ ಪ್ರಕಟಿಸಿದ ವರದಿಗೆ ಕರೆದೊಯಿತು (ಇಲ್ಲಿ ಆರ್ಕೈವ್ ಮಾಡಲಾಗಿದೆ). ಈ ವರದಿಯ ಪ್ರಕಾರ, ವೀಡಿಯೋದಲ್ಲಿರುವ ಮಹಿಳೆ ಮಿಶ್ತಿ ಸುಬಾಸ್, ಢಾಕಾದಲ್ಲಿ ರಾಜಕಾರಣಿಯ ಹುಟ್ಟುಹಬ್ಬವನ್ನು ಸಾರ್ವಜನಿಕವಾಗಿ ಆಚರಿಸಿದ ನಂತರ ಕಿರುಕುಳವನ್ನು ಎದುರಿಸಿದ ಹಸೀನಾ ಬೆಂಬಲಿಗ.

ಅದೇ ಘಟನೆಯ ಹೆಚ್ಚುವರಿ ವೀಡಿಯೋ ಕ್ಲಿಪ್‌ಗಳನ್ನು ವಿವಿಧ ಕೋನಗಳಿಂದ ಸೆರೆಹಿಡಿಯಲಾಗಿದೆ ಆದರೆ ಅದೇ ಮಹಿಳೆ ಮತ್ತು ಹುಡುಗರ ಗುಂಪನ್ನು ಒಳಗೊಂಡಿದ್ದು, ಫೇಸ್‌ಬುಕ್ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಮತ್ತು ಯೂಟ್ಯೂಬ್‌ನಲ್ಲಿ (ಇಲ್ಲಿ ಆರ್ಕೈವ್ ಮಾಡಲಾಗಿದೆ), ಈವೆಂಟ್ ಅನ್ನು ಬಾಂಗ್ಲಾದಲ್ಲಿ ವಿವರಿಸಲಾಗಿದೆ.

ಮಿಶ್ತಿ ಸುಬಾಸ್ ಅವರನ್ನು ಒಳಗೊಂಡ ಘಟನೆಯ ಮಾಧ್ಯಮ ವರದಿಗಳಲ್ಲಿ ಹಂಚಿಕೊಂಡ ದೃಶ್ಯಗಳು ವೈರಲ್ ವೀಡಿಯೋದಲ್ಲಿ ಕಂಡುಬರುವಂತೆಯೇ ಇವೆ. (ಮೂಲ: ಲೋಕಮತ್ ಟೈಮ್ಸ್/ಲಾಜಿಕಲಿ ಫ್ಯಾಕ್ಟ್ಸ್‌ನಿಂದ ಮಾರ್ಪಡಿಸಲಾಗಿದೆ)

ಬಾಂಗ್ಲಾದಲ್ಲಿ ಗೂಗಲ್ ಕೀವರ್ಡ್ ಹುಡುಕಾಟವು ಹಲವಾರು ಸುದ್ದಿ ವರದಿಗಳನ್ನು ನೀಡಿತು, ಇದರಲ್ಲಿ ಎಬಿಪಿ ಲೈವ್‌ನ ಹಿಂದಿ ವರದಿ ಮತ್ತು ಡೈಲಿ ಇಂಕ್ವಿಲಾಬ್ ಮತ್ತು ದಿ ರಿಪೋರ್ಟ್‌ನ ಬಾಂಗ್ಲಾ ವರದಿಗಳು ಸೇರಿವೆ. ಈ ವರದಿಗಳು ವೈರಲ್ ವೀಡಿಯೋದಿಂದ ಇದೇ ರೀತಿಯ ಸ್ಕ್ರೀನ್‌ಶಾಟ್‌ಗಳನ್ನು ಒಳಗೊಂಡಿವೆ ಮತ್ತು ಮಹಿಳೆಯನ್ನು ಸುಬಾಸ್ ಎಂದು ಗುರುತಿಸಲಾಗಿದೆ.

ನಾವು ಬಾಂಗ್ಲಾದೇಶದ ಸುದ್ದಿ ಸಂಸ್ಥೆಗಳಾದ ಪ್ರೊಟಿಡಿನರ್ ಬಾಂಗ್ಲಾದೇಶ, ಎಸ್‌ಎಟಿವಿ ಮತ್ತು ಚಾನೆಲ್ ಸಟ್ಕಾಹೋನ್‌ನಿಂದ ವೀಡಿಯೋ ವರದಿಗಳನ್ನು ಸಹ ಪತ್ತೆ ಮಾಡಿದ್ದೇವೆ (ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ಆರ್ಕೈವ್ ಮಾಡಲಾಗಿದೆ). ಈ ವರದಿಗಳಲ್ಲಿ, ನಟ ಹಸೀನಾ ಅವರ ಜನ್ಮದಿನವನ್ನು ಆಚರಿಸುವ ಉದ್ದೇಶವನ್ನು ಕೇಕ್ ಹಿಡಿದುಕೊಂಡು ಘೋಷಿಸುತ್ತಿದ್ದಾರೆ. ಆದರೆ, ಜನಸಮೂಹವು ಅವಳನ್ನು ಕೆರಳಿಸಲು ಮತ್ತು ಕಿರುಕುಳ ನೀಡಲು ಪ್ರಾರಂಭಿಸುತ್ತದೆ, ಅಂತಿಮವಾಗಿ ಕೇಕ್ ಅನ್ನು ಹಾಳುಮಾಡುತ್ತದೆ. ವೀಡಿಯೋಗಳಲ್ಲಿ ತೋರಿಸಿರುವಂತೆ ಹಿಂಸಿಸುತಿರುವರನ್ನು ಹಿಮ್ಮೆಟ್ಟಿಸಲು ಪ್ರಯತ್ನಿಸುತ್ತಿರುವಾಗ ಸುಬಾಸ್ ಘಟನೆಯನ್ನು ಖಂಡಿಸಿದ್ದಾರೆ.

ಈ ವರದಿಗಳ ಪ್ರಕಾರ, ವೈರಲ್ ವೀಡಿಯೋದಲ್ಲಿನ ಘಟನೆಯು ಸೆಪ್ಟೆಂಬರ್ ೨೯, ೨೦೨೪ ರಂದು ಢಾಕಾ ವಿಶ್ವವಿದ್ಯಾಲಯದ ಶಿಕ್ಷಕ-ವಿದ್ಯಾರ್ಥಿ ಕೇಂದ್ರದಲ್ಲಿ (ಟಿಎಸ್‌ಸಿ) ಹಸೀನಾ ಅವರ ಜನ್ಮದಿನವನ್ನು ಆಚರಿಸಲು ಸುಬಾಸ್ ಭೇಟಿ ನೀಡಿದಾಗ ಸಂಭವಿಸಿದೆ. ಸೆಪ್ಟೆಂಬರ್ ೨೮, ೨೦೨೪ ರಂದು ಅವರು ಹಸೀನಾ ಅವರ ಜನ್ಮದಿನವನ್ನು ಖಾಸಗಿಯಾಗಿ ಆಚರಿಸಿದ್ದಾರೆ ಎಂದು ವರದಿಗಳು ಉಲ್ಲೇಖಿಸಿವೆ, ಆದರೆ ಈ ಸಾರ್ವಜನಿಕ ಆಚರಣೆಯು ಹಸೀನಾ ಅವರ ಜನ್ಮದಿನದಂದು (ಇಲ್ಲಿ ಆರ್ಕೈವ್ ಮಾಡಲಾಗಿದೆ) TSC ಯಲ್ಲಿ ವಿದ್ಯಾರ್ಥಿಗಳು ಆಯೋಜಿಸಿದ ಅಗೌರವದ ಸಮಾರಂಭದ ವಿರುದ್ಧದ ಪ್ರತಿಭಟನೆಯಾಗಿದೆ.

ತೀರ್ಪು

ಬಾಂಗ್ಲಾದೇಶದಲ್ಲಿ ಬುರ್ಖಾ ಧರಿಸದಿದ್ದಕ್ಕಾಗಿ ಅಮೆರಿಕದ ಮಹಿಳೆಗೆ ಕಿರುಕುಳ ನೀಡುತ್ತಿರುವುದನ್ನು ವೈರಲ್ ವೀಡಿಯೋ ಚಿತ್ರಿಸಲ್ಲ. ವೀಡಿಯೋದಲ್ಲಿ ಕಂಡುಬರುವ ಮಹಿಳೆ ಬಾಂಗ್ಲಾದೇಶದ ನಟಿ ಮಿಶ್ತಿ ಸುಬಾಸ್ ಆಗಿದ್ದು, ಅವರು ಸೆಪ್ಟೆಂಬರ್ ೨೯, ೨೦೨೪ ರಂದು ಮಾಜಿ ಪ್ರಧಾನಿ ಶೇಖ್ ಹಸೀನಾ ಅವರ ಜನ್ಮದಿನವನ್ನು ಸಾರ್ವಜನಿಕವಾಗಿ ಆಚರಿಸಲು ಪ್ರಯತ್ನಿಸಿದ ನಂತರ ಕಿರುಕುಳಕ್ಕೆ ಹೊಳಗಾಗಿದ್ದರೆ.

(ಅನುವಾದಿಸಿದವರು: ರಜಿನಿ ಕೆ.ಜಿ)

Read this fact-check in English here.