কৃষক প্ৰতিবাদৰ ওপৰত কৰা মন্তব্যৰ বাবে সাংসদ কংগনা ৰানাৱটক সমালোচনা কৰা পুৰণি গীত শেহতীয়া বুলি প্ৰচাৰ

লেখক: তাহিল আলী
জুন 11 2024

শ্বেয়াৰ কৰক:

কংগনাৰ চৰ মৰাৰ কাণ্ডৰ প্ৰতিক্ৰিয়া স্বৰূপে গীতটো মুক্তি দিয়া বুলি দাবী কৰা এক্স ইউজাৰৰ স্ক্ৰীণশ্বট। (উৎস: X/লজিকেলী ফেক্টছৰ দ্বাৰা পৰিৱৰ্তিত)

দাবী কি?

অভিনেতা-ৰাজনীতিবিদ কংগনা ৰানাৱটক তিৰস্কাৰ কৰি দুজন লোকে গান গোৱা এটা ভিডিঅ’ যোৱা ৬ জুনত চণ্ডীগড় এয়াৰপৰ্টত চিকিউৰিটি চেকৰ সময়ত ৰানাৱটক অভিযোগ অনুসৰি চৰ মৰা চিআইএছএফ কনিষ্টবল কুলৱিন্দৰ কৌৰক উত্তৰ ভাৰতৰ পঞ্জাৱ ৰাজ্যৰ লোকে সমৰ্থন কৰিছে বুলি দাবীৰে প্ৰচাৰ কৰা হৈছে । খবৰ অনুসৰি কৌৰে তেওঁৰ এই কাৰ্য্য ২০২০ চনত প্ৰতিবাদকাৰী কৃষকৰ বিৰুদ্ধে অভিনেতাগৰাকীয়ে কৰা অৱমাননামূলক মন্তব্যৰ প্ৰতিক্ৰিয়া বুলি কয়।

শেহতীয়াকৈ উত্তৰ ভাৰতৰ হিমাচল প্ৰদেশৰ মাণ্ডী সমষ্টিৰ পৰা নিৰ্বাচনত জয়লাভ কৰি ৰানাৱটে সংসদ সদস্য (সাংসদ) হৈছিল ।

এক্স (পূৰ্বৰ টুইটাৰ)ৰ এজন ব্যৱহাৰকাৰীয়ে ভিডিঅ'টো শ্বেয়াৰ কৰি লিখিছে, "কংগনা ৰানাৱটৰ চৰ কাণ্ড: পঞ্জাৱ আৰু কৃষকে চিআইএছএফৰ কুলৱিন্দৰ কৌৰক সমৰ্থন কৰিছে। গীত লিখা হৈছে। হাৰিয়ানাৰ নিৰ্বাচনত কংগনা ৰানাৱট বিজেপিৰ বাবে সমস্যা হৈ পৰিব (হিন্দীৰ পৰা অনুবাদ কৰা হৈছে।" )।” এই পোষ্টটো লিখাৰ সময়ত প্ৰায় ১,১৫,০০০ টা ভিউ হৈছিল। একেধৰণৰ পোষ্টৰ আৰ্কাইভ ইয়াত আৰু ইয়াত পোৱা যাব।

কংগনা ৰানাৱটৰ সৈতে জড়িত কৰি চৰ মৰাৰ কাণ্ডৰ প্ৰতিক্ৰিয়া স্বৰূপে গীতটো মুক্তি দিয়া বুলি দাবী কৰা ছ’চিয়েল মিডিয়া পোষ্টৰ স্ক্ৰীণশ্বট। (উৎস: এক্স/ফেচবুক/লজিকেলী ফেক্টছৰ দ্বাৰা পৰিৱৰ্তিত)

অৱশ্যে আমি দেখিলোঁ যে ভিডিঅ'টো ২০২০ চনৰ, আৰু কৃষক প্ৰতিবাদৰ প্ৰেক্ষাপটত দুগৰাকী ভগ্নীয়ে গাইছিল।

আমি কি পাইছিলোঁ?

ৰিভাৰ্ছ ইমেজ চাৰ্চ কৰি আমি ৬ ডিচেম্বৰ, ২০২০ তাৰিখে 'ৰামনীক-চিমৃতা' নামৰ ইউটিউব চেনেল এটাই আপলোড কৰা ভাইৰেল ভিডিঅ'টোৰ (ইয়াত আৰ্কাইভ কৰা) এটা দীঘলীয়া সংস্কৰণ পালোঁ। বাতৰি অনুসৰি পঞ্জাৱৰ মোহলীত বাস কৰা ভগ্নী দুগৰাকীয়ে কৃষকৰ প্ৰতিবাদৰ সৈতে জড়িত কেইবাটাও গীত ৰচনা কৰিছে।

অভিনেতা কংগনা ৰানাৱট আৰু পায়ল ৰোহাটগীয়ে কৰা মন্তব্যৰ প্ৰতিক্ৰিয়া স্বৰূপে গীতটি ৰচা হৈছে বুলি ভিডিঅ’ৰ শিৰোনামত যুটিটোৱে উল্লেখ কৰিছে । ইউটিউব ভিডিঅ’টোত কণ্ঠশিল্পীসকলে নিজকে ৰামনীক আৰু স্মৃতা বুলি পৰিচয় দিছে। তাৰ পাছত তেওঁলোকে কয় যে ৰানাৱত আৰু ৰোহাটগীয়ে কৃষকৰ বিৰুদ্ধে কৰা অপমানজনক মন্তব্যৰ বিষয়ে তেওঁলোকে কেইশাৰীমান লিখিছে।

কিন্তু ভাইৰেল ভিডিঅ’টোত তেওঁলোকে ভিডিঅ’টোৰ প্ৰসংগ বুজাই দিয়া অংশটো আঁতৰাই দিয়া হৈছে। ইউটিউব ভিডিঅ’টোৰ বৰ্ণনাত গীতটোৰ পাঞ্জাবী গীতৰ কথাও সংযোজন কৰা হৈছে।

মূল ভিডিঅ' আৰু ভাইৰেল ভিডিঅ'টোৰ স্ক্ৰীণশ্বট (উৎস: X/ফেচবুক/লজিকেলী ফেক্টছৰ দ্বাৰা পৰিৱৰ্তিত)

৬ ডিচেম্বৰ, ২০২০ তাৰিখে পোষ্ট কৰা একেধৰণৰ ভিডিঅ’ (ইয়াত আৰ্কাইভ কৰা হৈছে), কেপচনত গীতটোৰ পঞ্জাবী কথাৰ সৈতে, তেওঁলোকৰ ইনষ্টাগ্ৰাম পেজতো উপলব্ধ। লজিকেলী ফেক্টছে মন্তব্যৰ বাবে এই যুটিটোৰ সৈতে যোগাযোগ কৰিছে। এই কাহিনীটো যদি আৰু যেতিয়া কোনো মন্তব্য পোৱা যায়, আপডেট কৰা হ'ব।

ৰানাৱট আৰু ৰোহাটগীয়ে কি কৈছিল?

এক্সত এতিয়া ডিলিট হোৱা এটা পোষ্টত ৰানাউটে এগৰাকী বৃদ্ধাৰ ছবি পোষ্ট কৰি কয় যে কৃষকজনৰ প্ৰতিবাদৰ সময়ত প্ৰতিবাদকাৰী কৃষকসকলক প্ৰতিবাদস্থলীত বহিবলৈ ১০০ টকা দিয়া হৈছিল। ৰানাৱটৰ এই মন্তব্যক ২০২০ চনত বহুতে সমালোচনা কৰিছিল। ৰামনীক-সিমিত্ৰাই পোষ্ট কৰা মিউজিক ভিডিঅ’টোত তেওঁলোকে বুঢ়ীগৰাকী আৰু ১০০ টকা দিয়াৰ অভিযোগৰ কথাও উল্লেখ কৰিছে, যিটো ০:৫২-১:০০ টাইমষ্টেম্পত শুনা যায় ।

ৰোহাটগীয়েও ২০২০-২০২১ চনত তেওঁৰ ইউটিউব (ইয়াত আৰ্কাইভ কৰা) চেনেলত কৃষকৰ প্ৰতিবাদৰ বিৰুদ্ধে কেইবাটাও ভিডিঅ’ শ্বেয়াৰ কৰিছিল।

সিদ্ধান্ত

ভাইৰেল ভিডিঅ’টোক ৰানাৱটৰ শেহতীয়া চৰ মৰাৰ কাণ্ডৰ সৈতে ভুলকৈ জড়িত কৰা হৈছে। ২০২০-২০২১ বৰ্ষৰ কৃষকৰ প্ৰতিবাদৰ সময়ত ৰানাৱট আৰু ৰোহাটগীয়ে কৰা বিতৰ্কিত মন্তব্যৰ বিৰুদ্ধে ২০২০ চনত দুগৰাকী ভগ্নীয়ে এই গীতটো প্ৰকৃততে মুক্তি দিছিল।

(অনুবাদ: অনুৰাগ বৰুৱা)