2022 నాటి వీడియోని బీజేపీ అభ్యర్థి నవనీత్ రాణా తాజా ఎన్నికలలో ఓటమి తరువాత ఏడుస్తున్నట్టుగా షేర్ చేసారు

క్లెయిమ్ ఏమిటి?

భారతీయ జనతా పార్టీ పార్లమెంట్ అభ్యర్థి నవనీత్ రాణా, ఎన్నికల ఫలితాల తరువాత ఏడుస్తున్నట్టుగా వీడియో ఒకటి సామాజిక మాధ్యమాలలో వైరల్ అయింది. భారతీయ ఎన్నికల ఫలితాలు జూన్ 4 నాడు విడుదల అయ్యాయి. వైరల్ వీడియోలో రాణా ఒక ఆసుపత్రి మంచం మీద ఉండగా, తన భర్త రవి రాణా ఓదారుస్తున్నట్టు ఉంటుంది. 

 నవనీత్ రాణా మహారాష్ట్రలోని అమరావతి నియోజకవర్గం నుండి పోటీ చేసి కాంగ్రెస్ అభ్యర్థి బల్వంత్ వాంఖడే పై ఓడిపోయారు.

ఒక యూజర్ (ఆర్కైవ్ ఇక్కడ) తన ఎక్స్ అకౌంట్ లో వీడియో షేర్ చేసి హిందీలో ఇలా రాసుకొచ్చారు, “స్టేజి మీద నుండి విషం చిమ్మే నవనీత్ రాణా ఓడిపోయిన తరువాత.” ఈ కథనం రాసే సమయానికి ఈ పోస్టుకు 79,000 వ్యూస్ ఉన్నాయి. ఈ వీడియోని ఫేస్బుక్ లో షేర్ హేస్తున్నారు. వాటి ఆర్కైవ్ పోస్ట్లు ఇక్కడ, ఇక్కడ మరియు ఇక్కడ చూడవచ్చు.

సామాజిక మాధ్యమాలలో షేర్ అవుతున్న పోస్టులు(సౌజన్యం : ఎక్స్/ఫేస్బుక్/ లాజికల్లీ ఫ్యాక్ట్స్ ఎడిటింగ్)

కానీ, మా పరిశోధన ప్రకారం ఈ వీడియో మే 2022 లో నవనీత్ ఆసుపత్రి లో చేరిన సందర్భం లోనిది.

మేము ఏమి కనుగొన్నము? 

వైరల్ అవుతున్న వీడియోలో పైన న్యూస్ 18 లోగో మేము చూశాము. దాని ఆధారంగా, వెతుకగా సీ ఎన్ ఎన్ న్యూస్ (ఆర్కైవ్ ఇక్కడ) 18 మే 5, 2022 నాడు యూట్యూబ్ లో అప్లోడ్ చేసిన ఇలాంటి వీడియోనే లభించింది. ఈ వీడియో కథనం లో రాణా తన భర్తని కలిసిన వెంటనే భావోద్వేగానికి గురైనట్టుగా రాశారు, ఆమె ఆసుపత్రిలో స్పాండిలోసిస్ చికిత్స కోసం చేరారు.

నవభారత్ టైమ్స్ అనే ఒక హిందీ పత్రికలో మే 5, 2022 నాడు ప్రచురితమైన ఒక కథనం మాకు లభించింది, ఇందులో రాణా ఆసుపత్రి మంచం మీద ఉన్న ఫొటోలు కొన్ని ఉన్నాయి. ఈ ఫొటోలకు  వివరాలుగా, రాణా బైకుల్లా మహిళల జైలు నుండి విడుదల అయినా తరువాత, ముంబై లోని లీలావతి ఆసుపత్రి లో చేరారు అని ఉంది.

నవభారత్ టైమ్స్ రిపోర్ట్ లో ప్రచురితమైన ఫొటో. (ఇంగ్లీష్ అనువాదం) (సౌజన్యం : నవభారత్ టైమ్స్/స్క్రీన్ షాట్)

2022 లో ముఖ్య మంత్రి ఉద్ధవ్ థాకరే బాంద్రా ఇంటి వద్ద హనుమాన్ చాలీసా పాడాల్సిందిగా రాణా దంపతులు పిలుపిచ్చారు, ఈ కారణంగా ఏప్రిల్ 23, 2022 నాడు అరెస్ట్ అయ్యారు. జైలు నుండి విడుదల అయ్యాక నవనీత్ రాణా  ఆసుపత్రి లో చికిత్స పొందారు.

తీర్పు

నవనీత్ రాణా  2022 లో ఆసుపత్రిలో జేరినప్పుడు ఏడుస్తున్న వీడియో, ఎన్నికల తరువాత వీడియోగా షేర్ చేస్తున్నారు. కాబట్టి ఈ క్లైమ్ అబద్ధం అని మేము నిర్ధారించాము.

(అనువాదం: రాజేశ్వరి పరసా)