విలువలు మరియు పారదర్శకత

విలువలు మరియు పారదర్శకత

తప్పుడు సమాచారాన్ని మరియు ఉద్దేశపూర్వకంగా హాని కలుగచేసే తప్పుడు సమాచారం వల్ల కలిగే హానిని తగ్గించడం, మున్ముందు పూర్తిగా తొలగించడమే మా లక్ష్యం. మేము వాక్ స్వేచ్ఛ ను సమర్థిస్తాం. అలాగే ఆన్లైన్ మాధ్యమాలలో వ్యక్తిగత వాక్ స్వేచ్ఛకు భంగం కలిగించే నిబంధనలకు(censorship) మేము విరుద్ధం. ఆన్లైన్ మాధ్యమాలలో సమాజానికి హాని కలిగించే తప్పుడు వ్యాఖ్యానాలను, మోసపూరితమైన వ్యాఖ్యానాలను ఎప్పటికప్పుడు గుర్తించి, వాటిని వెంటనే పరిష్కరించాలని మేము నమ్ముతాము. 

లాజికల్లీ-ఫ్యాక్ట్స్ సంస్థ తప్పుడు సమాచారాన్నిమరియు ఉద్దేశపూర్వకంగా హాని కలుగచేసే తప్పుడు సమాచారాన్ని భారీ స్థాయిలో ఎదుర్కోవడానికి ఈ పరిశ్రమలోనే అత్యున్నత సాంకేతిక ఉత్పత్తులని మరియు సేవలను రూపొందించింది. మా సేవలు ప్రభుత్వ, ప్రైవేటు, పౌర సమాజం వినియోగించుకోవడానికి  అనుకూలమైనవి. అత్యున్నత నైతిక విలువలు, నిజాయితీ కలిగిన వారికి మాత్రమే మా సేవలు అందిస్తాము.

మేము అత్యున్నత స్థాయి ఖచ్ఛితత్వాన్ని, నమ్మకాన్ని ప్రమాణాలుగా పెట్టుకున్నాము. ఇంటర్నేషనల్ ఫ్యాక్ట్ చెకింగ్ నెట్వర్క్ (IFCN) వారి ధృవీకరణ పొందిన సంస్థ మాది. వారి నియమ సూత్రావళిని మేము పాటిస్తాము. నిష్పక్షపాతం, నిజాయితీ,  అలాగే మా సంస్థ గురించి, ఫండింగ్ గురించి, మేము చేసే వార్త కధనాలలో ఉటంకించే వారి గురించి పారదర్శకత ఈ ప్రామాణిక సూత్రాలలో భాగం. మేము వారి నియమ సూత్రావళిని పాటిస్తున్నామో లేదో తెలుసుకోవటానికి ప్రతి సంవత్సరం ఐ ఎఫ్ సి ఎన్ సమీక్ష నిర్వహిస్తుంది. ఇంతకముందు నిర్వహించిన సమీక్షలని ఇక్కడ చూడవచ్చు. 

మా సంస్థ సేవలు ఉపయోగించుకోవాలి అనుకునేవారికి మా సేవలు అందించాలా లేదా అని ఒక నిర్ణయానికి రావటానికి ఈ క్రింద ప్రమాణాలు పాటిస్తాము:

మేము మా సేవలు అందించే ఒప్పందం ఈ క్రింద పేర్కొన్న సందర్భాలలో కుదుర్చుకోము:

• పౌర చర్చ ప్రక్రియని సుసంపన్నం చేసే విలువులకి, ప్రజాస్వామిక చర్చల, ప్రక్రియల పరిరక్షణకి, నమ్మకమైన సమాచారం అందించటానికి విరుద్ధంగా ఉన్నా
• మేము అందచేసే సమాచారం వాడుకుని ఏ వ్యక్తి లేదా సమూహానికి హాని తలపెట్టే అవకాశం ఉందని, అలాగే ఏ వ్యక్తి లేదా సమూహం మానవ హక్కులకి భంగం కలిగించే అవకాశం ఉందని భావించటానికి సహేతుక కారణాలు కనిపించినా
• లాజికల్లీ ఫ్యాక్ట్స్- ఖాతాదారులు ఇరు వర్గాలకి ఆమోదయోగ్యమైన రీతిలో ఖాతాదారులతో మేము కుదుర్చుకునే ఒప్పందాలన్నీ కూడా  మా ఉత్పత్తులు, సేవలు ఒక నిర్ధిష్ట, పరిమిత పరిధికి లోబడి వాడటానికే అనుమతి ఉండే విధంగా ఉంటాయి. ఈ షరతులు ఉల్లంఘిస్తే వారితో కుదుర్చుకున్న ఒప్పందం రద్దైపోతుంది.
• రాజకీయంగా ఏ అభిప్రాయనికీ మద్ధతుగా ఉండము అనే మా వైఖరికి వ్యతిరేకంగా ఉండే ఏ ఒప్పందమూ మేము కుదుర్చుకోము. 

చివరగా, మేము చేసుకునే ప్రతి ఒప్పందమూ మా ప్రమాణాలకు అనుగుణంగా ఉందని ఆ ఒప్పందాన్ని నైతిక విలువుల ఛట్రంలో నిర్ధారించుకున్నాకే  కుదుర్చుకుంటాము. రాజకీయంగా ఏ అభిప్రాయానికీ మద్ధతుగా ఉండము అనే మా వైఖరికి ఈ ఒప్పందం వ్యతిరేకంగా లేదని మా నాయకత్వ బృందం ఏకగ్రీవంగా అంగీకరిస్తేనే ఏ ప్రాజెక్ట్ అయినా కూడా మా అంతర్గత నైతిక విలువల సమీక్ష ఆమోదం పొందుతుంది. 

లాజికల్లీ ఫ్యాక్ట్స్ సంస్థ  ఏ రాజకీయ అభిప్రాయనికీ మద్ధతుగా ఉండము అనే వైఖరికి కట్టుబడి ఉంటుందో లేదో మార్క్ వుడ్  అధ్యక్షులుగా ఉన్న మా సలహా మండలి ఎప్పటికప్పుడు సమీక్షించి IFCN వంటి సంస్థల నిబంధనలను పాటించేలా చూస్తుంది. 

మా ఉద్యోగులను కింద సూచించిన ప్రమాణాలకు కట్టుబడి ఉంటారు:

మా సంపాదక బృందం సభ్యులందరూ:

• ఏదైనా ప్రాజెక్టులో పనిచేసే ముందుగానే ఆ ప్రాజెక్టుకి సంబంధించి ఏ ఉద్యోగికైనా అందులో ఏదన్నా ప్రయోజనం ఉందేమో (conflict of interest) మాకు తెలియచేయాలి. అలాగే వారు ఏ ప్రాజెక్టులోనైనా పనిచేయడం కారణంగా ఏ రాజకీయ అభిప్రాయనికీ మద్ధతుగా ఉండము అనే మా వైఖరికి నష్టం చేకూరుతుందేమో ముందుగానే తెలియచేయాలి.
• లాజికల్లీ ఫ్యాక్ట్స్ లో ఉద్యోగంలో చేరకమునుపే వారికి ఇందులో వ్యక్తిగత ప్రయోజనాలు ఉన్నాయా అనేది ప్రకటించాలి.
• ఏదైనా ఫ్యాక్ట్ చెక్ కథనం రాసేముందు ఈ కథనాన్ని ప్రభావితం చేయగలిగే వాణిజ్య లేదా ఇతర ప్రయోజనాలు రచయితకి ఉన్నాయేమో అని ప్రజలు అనుకునే అవకాశం ఉందేమో అనే విషయాన్ని ముందుగానే తెలియచేయాలి. 

లాజికల్లీ ఫ్యాక్ట్స్ ఉద్యోగులు: 

• ఎట్టి పరిస్థితులలోనూ లాజికల్లీ ఫ్యాక్ట్స్ సంస్థ ప్రతిష్టను, ఏ రాజకీయ అభిప్రాయానికీ మద్ధతుగా ఉండము అనే వైఖరిని దెబ్బతీసే చర్యలను చేపట్టకూడదు.
• ఏ రాజకీయ పదవికీ పోటీ పడకూడదు. బహిరంగంగా ఏ రాజకీయ నాయకునికైనా లేదా పార్టీకైనా మద్దతు తెలుపకూడదు. అలాగే సామాజిక  మాధ్యమాలలో ఏ  రాజకీయ నాయకులు, రాజకీయ పార్టీ లేదా రాజకీయ ఉద్యమాల పట్ల ఆసక్తిని గాని, అనుబంధాన్ని గాని, అలాగే వారితో/వాటితో ఉండే ఏ భాగస్వామ్యాన్ని గాని వ్యక్తపరచకూడదని అంగీకరించాలి 

లాజకల్లీ ఫ్యాక్ట్స్ ఏ ప్రభుత్వ, రాజ్య, రాజకీయ పార్టీ లేదా రాజకీయ నాయకుని సంపాదక ఆధ్వర్యంలో పని చేయటం లేదు. మా పరిశోధనని కానీ లేదా మా రిపోర్టింగ్ ని కానీ ఏ ఒక్క రాజకీయ పార్టీ లేదా ఏ ఒక్క రాజకీయ ధోరణి మీద గురి పెట్టి చెయ్యడం లాంటిది ఉండదు. 

ఏదైనా రాజకీయ పార్టీ, ప్రభుత్వం లేదా ప్రభుత్వ రంగ సంస్థలో జీత భత్యాలతో పని చేసే వారిని లేదా వీటిల్లో ఏదైనా ముఖ్య పదవిలో ఉన్నవారిని కానీ మేము మా సంస్థలోకి తీసుకోము. 

ఫ్యాక్ట్ చెకింగ్ పనికి సంబంధించి తప్ప ఏ ఒక్క రాజకీయ పార్టీకి కానీ, లేదా అభ్యర్ధికి కానీ లేదా ఫలానా ప్రభుత్వ విధానానికి కానీ మద్ధతు తెలపమని మేము సలహా ఇవ్వము. 

ఏ రాజకీయ పార్టీతో లాజికల్లీ ఫ్యాక్ట్స్ ఒప్పందం కుదుర్చుకోదు. అలాగే కథానాలలో ఉటంకించే వ్యక్తులకి లేదా సంస్థలకి రాజకీయ అభిప్రాయాలు, ప్రయోజనాలు ఉంటే వాటిని దృష్టిలో పెట్టుకుని వారిని ఎలా ఉటంకించవచ్చో అనేదానికి ఒక ప్రక్రియ ఏర్పాటు చేశాము. 

సంస్థ పేరు మీద ఉద్యోగులు రాజకీయ అభిప్రాయాలు ప్రకటించకుండా ఉండే విధానం మా సంస్థలో అమలులో ఉంది. అలాగే సాధారణ, మర్యాదపూర్వకమైన వాటిని తప్పించి పనికి సంబంధించి ఇతరుల నుండి బహుమతులు, ప్రయోజనాలు ఉద్యోగులు స్వీకరించకూడదు అనే విధానం కూడా అమలులో ఉంది. 

లాజికల్లీ ఫ్యాక్ట్స్ ఐర్లాండ్ లో రిజిస్టర్ అయిన సంస్థ. రిజిస్ట్రీలో సంస్థ పేరు లాజికల్లీ ఫ్యాక్ట్స్ లిమిటెడ్. రిజిస్ట్రీ సంఖ్య 704166. ఈ సంస్థ మాతృ సంస్థ యునైటెడ్ కింగ్డంకి చెందిన ది లాజికల్లీ లిమిటెడ్. అయితే లాజికల్లీ ఫ్యాక్ట్స్ కి ది లాజికల్లీ లిమిటెడ్ నుండి ఎటువంటి ఫండింగ్ లేదు, అలాగే సంపాదకీయ, దైనందిక వ్యవహారాల మీద మాతృ సంస్థకి ఎటువంటి అధికారం లేదు. లాజికల్లీ ఫ్యాక్ట్స్ సంపాదకీయంగా, దైనందికంగా మాతృ సంస్థ నుండి పూర్తిగా స్వతంత్రంగా పని చేస్తుంది. 

లాజికల్లీ ఫ్యాక్ట్స్ సంపాదకీయ ప్రమాణాలు రాయిటర్స్ మాజీ ఎడిటర్--ఇన్-చీఫ్ మార్క్ వుడ్స్ నేతృత్వంలో పని చేసే లాజికల్లీ ఫ్యాక్ట్స్ సలహా మండలి పర్యవేక్షణకి లోబడి ఉంటాయి. సలహా మండలి సభ్యుల గురించి మరింత సమాచారం కోసం ఇక్కడ చూడవచ్చు. 

సంస్థ తాజా ఆర్థిక సంవత్సరం (2022) వార్షిక ఆదాయ వివరాలు, అలాగే ఆదాయంలో 5% కన్నా ఎక్కువ ఆదాయం ఎవరెవరి నుండి వస్తున్నదో వారి వివరాలు కింద జతపరిచాము.

మా భాగస్వామ్య సంస్థలతో కలిసి మేము చేసే పని వివరాలు ఈ కింద చూడవచ్చు 

లాజికల్లీ ఫ్యాక్ట్స్ లిమిటెడ్ (లాజికల్లీ ఫ్యాక్ట్స్) బై లాస్

ఆర్టికల్ 1: పేరు, లక్ష్యం, స్వతంత్రత

1.1  సంస్థ పేరు లాజికల్లీ ఫ్యాక్ట్స్ అని ఉంటుంది.

1.2 లాజికల్లీ ఫ్యాక్ట్స్ ఉద్దేశం ఒక స్వతంత్ర విధానంలో ఫ్యాక్ట్ చెకింగ్ నిర్వహించడం. దీని ద్వారా ప్రజలకి, సామాజిక మాధ్యమాలకి తప్పుడు సమాచారం, ఉద్దేశపూర్వక తప్పుడు సమాచారం కారణంగా జరిగే నష్టాల గురించి అవగాహన కలిపించడం.

1.3 మాతృ సంస్థ అయిన యునైటెడ్ కింగ్డం కి చనేదిన ది లాజికల్లీ లిమిటెడ్ (లాజికల్లీ అని కూడా పిలుస్తారు) నుండి లాజికల్లీ ఫ్యాక్ట్స్ వేరుగా, ఒక స్వతంత్ర వ్యవస్థగా వ్యవహరిస్తుంది. లాజికల్లీ ఫ్యాక్ట్స్ ఐర్లాండ్ లో రిజిస్టర్ అయిన సంస్థ. రిజిస్టర్ అయిన పేరు లాజికల్లీ ఫ్యాక్ట్స్ లిమిటెడ్. రిజిస్ట్రేషన్ సంఖ్య 704166.

ఆర్టికల్ 2: సంపాదక స్వతంత్ర్యం

2.1 సంపాదక స్వతంత్రం: లాజికల్లీ నుండి వేరుగా లాజికల్లీ ఫ్యాక్ట్స్ కి పూర్తి సంపాదక స్వతంత్ర్యం ఉంటుంది. ఫ్యాక్ట్ చెకింగ్ కార్యక్రమంకి సంబంధించి ఒక నమ్మకం, విశ్వాసం కలిగించడానికి ఈ స్వతంత్రం చాలా అవసరం.

2.2 సంపాదక నిర్ణయాలు: ఫ్యాక్ట్ చెకింగ్ కంటెంట్ ని నిర్ణయించడం, పరిశీలించడం, ప్రచురించడంకి సంబంధించిన నిర్ణయాలని లాజికల్లీ ఫ్యాక్ట్స్ సంపాదక బృందం మాతృ సంస్థతో సంబంధం లేకుండా, వారి ప్రభావం లేకుండా స్వతంత్రంగా తీసుకుంటుంది. 

2.3 ప్రత్యేక మేనేజ్మెంట్ మరియు ఆపరేషన్స్: లాజికల్లీ సంస్థతో ప్రయోజనాలకి సంబంధించి ఎటువంటి వైరుధ్యం (కాన్ఫ్లిక్ట్ ఆఫ్ ఇంట్రెస్ట్) లేకుండా ఉండటానికి లాజికల్లీ ఫ్యాక్ట్స్ కి తన స్వంత మేనేజ్మెంట్ మరియు ఆపరేషన్స్ బృందం ఉంది.

2.4 ఆర్థిక స్వతంత్రం: లాజికల్లీ ఫ్యాక్ట్స్ లాజికల్లీ యొక్క స్వతంత్ర అనుబంధ సంస్థ అయినా కూడా తనకి స్వంత బడ్జెట్, ఆదాయ మార్గాలు ఉన్నాయి. ఇలా ఎందుకు అంటే అప్పుడే లాజికల్లీ ఫ్యాక్ట్స్ తన మాతృ సంస్థ ప్రభావం నుండి స్వతంత్రంగా పని చేయగలగుతుంది కాబట్టి.

ఆర్టికల్ 3: పరిపాలన మరియు జవాబుదారీతనం

3.1 పరిపాలన వ్యవస్థ: లాజికల్లీ ఫ్యాక్ట్స్ కి ఒక మేనేజింగ్ డైరక్టర్ ఉంటారు. తన పని సంస్థ లక్ష్యాన్ని, సంపాదక స్వతంత్రతని నిలబెట్టడం. అలాగే భాగస్వాములకి, క్లయింట్స్ కి తీసుకున్న పని అందచేయటం. ఆలాగే తను సంస్థ సలహా మండలికి రిపోర్ట్ చేస్తారు.

3.2  పారదర్శకత మరియు రిపోర్టింగ్: లాజికల్లీ ఫ్యాక్ట్స్ తమ పనితీరులో పూర్తి పారదర్శకత పాటిస్తుంది. ఇంటర్నేషనల్ ఫ్యాక్ట్ చెకింగ్ నెట్వర్క్, యూరోపియన్ ఫ్యాక్ట్ చెకర్స్ స్టాండర్డ్స్ నెట్వర్క్ లాంటి స్వయం-నియంత్రిత సంస్థల నియమాల ప్రకారం లాజికల్లీ ఫ్యాక్ట్స్ ప్రతి సంవత్సరం తమ సంపాదక నిర్ణయాలని, పరిపాలన వ్యవస్థని, ఆర్థిక వివరాలని తమ వార్షిక నివేదికలో పొందుపరిచి, ఆ నివేదిక సంస్థ వెబ్సైట్లో ఉండే విధంగా చర్య తీసుకుంటుంది.

ఆర్టికల్ 4: ఎవరికీ మద్ధతుగా ఉండము అనే విధానం

4.1 లాజికల్లీ తన కార్యకలాపాలలో ఎవరికీ మద్ధతుగా ఉండము అనే విలువని తప్పక పాటిస్తుంది. భావజాల సంస్థలతో, రాజకీయ నాయకులతో, రాజకీయ సంస్థలతో మాకు ఎటువంటి ఆర్థిక, వ్యవస్థాగత సంబంధాలు ఉండవు. అటువంటి వారికి మా సేవలు అందించము. మా సేవలని వారి రాజకీయ అవసరాలకి వాడుకోవటానికి ఒప్పుకోము.

4.2 లాజికల్లీ ఫ్యాక్ట్స్ సభ్యులు ఏ రాజకీయ పార్టీకి బహిరంగంగా మద్ధతు తెలపటానికి లేదు. ఆలాగే వాటిల్లో సభ్యత్వం తీసుకోవడానికి కూడా వీలు లేదు.

4.3 సామాజిక మాధ్యమాలలో లాజికల్లీ ఫ్యాక్ట్స్ ఉద్యోగులు ఏదైనా రాజకీయ పార్టీకి లేదా రాజకీయ అభ్యర్ధికి లేదా రాజకీయ ఉద్యమానికి మద్ధతు తెలపడం, అనుబంధంగా ఉండటం చేయరాదు. రాజకీయంగా, సాంస్కృతికంగా, సామాజికంగా సున్నితమైన అంశాల గురించి సామాజిక మాధ్యమాలలో ఉద్యోగులు చర్చించకపోవటం మేలని లాజికల్లీ ఫ్యాక్ట్స్ భావిస్తుంది.

4.4 అలాగే సంస్థ ఉద్యోగులు ఏదైనా ప్రాజెక్టులో పని చేస్తున్నప్పుడు, ఆ ప్రాజెక్టుకి సంబంధించి వారికేమైనా ప్రయోజనం ఉందేమో ముందే తెలియచేయాలి. వారు ఆ ప్రాజెక్టులో భాగం అవ్వటం కారణంగా ఏ వైఖరికీ మద్ధతుగా ఉండము అనే సంస్థ విలువలకి నష్టం కలుగుతుందేమో కూడా తెలియచేయాలి. ఇవన్నీ కూడ సంస్థ నమ్మకం, విశ్వాసాలకి సంబంధించిన విషయాలు.